Республика Маънавият ва маърифат маркази Ўзбекистон Республикаси Давлат байроғининг 31 йиллиги муносабати билан “Муқаддасдир Ватан байроғи” мавзусида видеороликлар танловини эълон қилади.

Танловга Давлат байроғи ҳақидаги 3 дақиқадан ошмайдиган видеороликлар қабул қилинади.

Иштирокчилар ижодий ишларини ижтимоий тармоқлардаги саҳифаларига жойлаб, ҳаволасини “Оyina.uz” порталининг телеграмдаги @oyinauz_bot манзилига шахсий маълумотлари билан бирга юбориши талаб этилади.

Видеороликлар 17 ноябрь соат 12:00 га қадар қабул қилинади.

Ғолиблар пул мукофоти билан тақдирланади:

1-ўрин – 10 миллион сўм,

2-ўрин – 7 миллион сўм,

3-ўрин – 5 миллион сўм,

4- ва 5-ўринлар – 3 миллион сўмдан.

Танлов ҳақидаги барча маълумотлар “Оyina.uz” портали ва ижтимоий тармоқлардаги саҳифаларида эълон қилиб борилади.