Паралимпия қўмитаси, тегишли спорт федерациялари, Ўзбекистон махсус олимпиадаси Ассоциация таркибига кирадиган янги ташкилотнинг вазифаси ногиронлиги бўлган фуқароларни спортга жалб қилишдир.

Ассоциация ногиронлиги бор шахсларни маҳалладан бошлаб оммавий спортга жалб қилиш билан шуғулланади ва «Беш ташаббус» доирасида спорт мусобақаларини ўтказиб боради.

Шунингдек, ногиронлиги борлар ҳаёти ва эришган ютуқлари тўғрисида таъсирчан медиаконтент, фильмлар тайёрланади.

Ижтимоий ҳимояга муҳтож одамлар қалбида ўзига ишонч ва қатъият туйғусини оширадиган бадиий асарлар яратилади.

Аҳолининг барча қатламини ҳисобга олган ҳолда телеканалларда информацион, айниқса, болалар дастурлари эфирининг муайян қисми сурдотаржима, субтитр ёки «югурувчи сатр» билан намойиш этилади.