«Амир Темур давлатининг ривожланишида хавфсизлик хизматининг роли ва ўзига хос хусусиятлари» монографияси нашр этилди.

Сарҳадлари Хитой деворидан то Миср эҳромларигача бўлган улкан ҳудудни қамраб олган Амир Темур салтанатида хавфсизлик масалаларига алоҳида эътибор берилмаслиги мумкин эмасди. Муаллиф, сиёсий фанлар бўйича фалсафа доктори Аброр Қиличев мазкур китобида Амир Темур давлат бошқаруви тизимининг хавфсизлик хизмати институти фаолияти, вазифалари ва ишлаш механизмини тадқиқ этган.

Монография буюк давлат арбоби Амир Темурнинг ҳаёти ва сиёсий фаолияти билан қизиқувчи сиёсатшунос, файласуф, тарихчи каби олим-тадқиқотчилар ва кенг китобхонлар оммасига мўлжалланган.