Нью Йоркдаги саёҳат журнали "Travel + Leisure"нинг бу йилги "Дунёнинг энг яхшилари мукофоти" танловида  минглаб одамлар Истанбулни Европанинг №1 рақамли энг яхши шаҳри сифатида танладилар. Бу ҳақда Туркиянинг Маданият ва туризм вазири Меҳмет Нури Эрсойънинг Twitter даги саҳифасида эълон қилинди.

Журнал томонидан ўтказилган сўровномада иштирок этганларнинг сўнгги уч йиллик тажрибасидан келиб чиқиб Истанбул 91.32 балл билан биринчи ўринни эгаллади, овоз бериш 11 январдан 11 майгача ўтказилди.

Истанбул Европадаги 39 шаҳар орасида биринчиликни эгаллади. Ўзининг чексиз жозибаси билан тарихнинг учрашув нуқтаси эканлиги ҳамда Топкапи саройи ва Aясофия каби тарихий жойларни ўз ичига олганлиги ҳақида ёзилган мақолада, Истанбул аеропорти, Нишантоши ва Галатапорт каби замонавий жозибали жойлари мақтовлар билан тилга олинди.