Тошкент шаҳар ҳокимлиги кучли шамол ва чанг-тўзон бўйича аҳолига огоҳлантириш берди.

Унга кўра, республиканинг айрим ҳудудлари, жумладан, Тошкент шаҳрида кучли шамол ҳамда айрим ҳудудларда чанг-тўзонлар кузатилиши мумкин. Шу муносабат билан пойтахт аҳолиси ва меҳмонларидан эҳтиёт чораларига амал қилиш сўралади:

- зарурат бўлмаса, кучли шамол вақтида очиқ ҳудудларда қолмаслик;

- дарахтлар, реклама конструкциялари, электр симлари ва енгил қурилмалар яқинида турмаслик;

- автомобилларни дарахтлар ва мустаҳкамланмаган бошқа конструкциялар остида қолдирмаслик;

- чанг-тўзон вақтида имкон қадар деразаларни ёпиқ сақлаш тавсия этилади.