Maktabgacha va maktab taʼlimi vazirining 2024-yil 20-martdagi tegishli buyrugʻi bilan umumiy oʻrta taʼlim muassasalarida yakuniy davlat attestatsiyasi oʻtkaziladigan fanlar roʻyxati va imtihon oʻtkazish shakllari hamda xorijiy tillarni bilish darajasini baholovchi xalqaro tan olingan sertifikatlar roʻyxati tasdiqlandi.

Ushbu tasdiqlanishda 9- va 11-sinf bitiruvchilari qaysi fanlar boʻyicha yakuniy davlat attestatsiyasidan oʻtishi koʻrsatilgan.

Jumladan, 9-sinf bitiruvchilari:

Ona tili va adabiyoti fanidan — yozma;

Davlat tili fani (taʼlim tili oʻzbek tili boʻlmagan sinflar uchun)dan — yozma;

Matematika fanidan — yozma;

Oʻzbekiston tarixi fanidan — yozma/ogʻzaki;

Jismoniy tarbiya fanidan — amaliy shaklda bitiruv imtihonini topshiradi.

11-sinf bitiruvchilari:

Ona tili va adabiyoti fanidan — yozma (insho);

Matematika fanidan — yozma;

Oʻzbek tili fanidan (taʼlim oʻzbek tilida olib borilmaydigan umumiy oʻrta taʼlim muassasalari uchun, taʼlim muassasasi tanlovi asosida) — yozma va ogʻzaki;

Chet tili fanidan — yozma/ogʻzaki;

Oʻzbekiston tarixi fanidan — yozma/ogʻzaki;

(Oʻquvchining tanlovi boʻyicha) Kimyo, Fizika, Davlat huquq asoslari, Geografiya fanlaridan — yozma shaklda yakuniy davlat attestatsiyasidan oʻtkaziladi.

Jismoniy tarbiya fanidan tashqari yuqorida keltirilgan fanlar boʻyicha bitiruv imtihonlari 2024-yil 26-maydan 15-iyunga qadar davom etadi.

Xususan, 9-sinflar bitiruvchilari uchun:

Ona tili va adabiyot fanidan — 27-may;

Matematika fanidan — 30-may;

11-sinflar uchun:

Ona tili va adabiyot fanidan — 29-may;

Matematika fanidan — 1-iyun kuni boʻlib oʻtadi.

Jismoniy tarbiya fani imtihonlari (9-sinf oʻquvchilari uchun) 2024-yil 1–6-may kunlari malakali tibbiyot xodimlari nazorati ostida oʻtkaziladi.

Umumtaʼlim fanini bilish darajasi toʻgʻrisida davlat namunasidagi sertifikat hamda chet tili fanlari boʻyicha kamida B1 darajadagi milliy yoki unga tenglashtirilgan mos darajadagi xalqaro tan olingan sertifikatga ega boʻlgan oʻquvchilar imtihonda muayyan fandan ozod qilinadi.

Maʼlumot uchun: 11-sinfda har bir oʻquvchining ixtiyoriy tanloviga koʻra tanlov (variativ) fanlaridan biri yakuniy davlat attestatsiyasi oʻtkazilishidan bir oy oldin oʻquvchining arizasiga koʻra tanlanadi.

11-sinfda har bir oʻquvchining ixtiyoriy tanlovi va ota-onalarning fikrlariga asoslanib tanlov (variativ) fanlaridan biri yakuniy davlat attestatsiyasi oʻtkazilishidan bir oy oldin taʼlim muassasasi tomonidan tanlanadi.

Tanlov fani majburiy fanlardan tashqari taklif etilgan fanlar orasidan tanlanadi.

Xorijiy tillarni bilish darajasini baholovchi xalqaro tan olingan sertifikatlar roʻyxati quyida keltirilgan: