UzAuto Motors айрим машиналари учун фоизсиз муддатли тўлов жорий этмоқда.

Маълум бўлишича, компания Chevrolet Onix ва Tracker моделларини сотишда мазкур усулни қўллайди ва бу «Қурбон Ҳайити муносабати билан» бўлади.

Муддатли тўлов учун аризалар бугун, 14 июндан бошланади.

Бунда Chevrolet Onix учун талабгор олдиндан 50 фоиз тўлов қилади ва қолган қисмини 2 йил давомида фоизсиз тўлаб боради. Бунда сумма харидор учун ойига 3,7 млн сўмдан тушади.

Шунингдек, иккинчи маҳсулот бўлган Tracker учун 2 та муддатли тўлов таърифлари амал қилади. Биринчиси 18 ойлик бўлиб, унда 60 фоизлик бошланғич тўлов қилинади ва қолган қисми 18 ой давомида 4,9 млн сўмдан тўлаб борилади.

Иккинчи таъриф эса 2 йиллик бўлиб, унда олдиндан 70 фоиз тўлов бўлади ва қолган қисми 24 ой давомида 2,7 млн сўмдан қоплаб борилади.