Xabaringiz bor, yurtimizda Prezident saylovi 24-oktyabr kuni o‘tkaziladi.

O‘zbekistonda saylovchilar soni 21,2 million kishidan oshgan. Bu haqda Markaziy saylov komissiyasi raisi Zayniddin Nizomxo‘jayev Toshkentdagi xalqaro konferensiyada ma’lum qildi.

Markaziy saylov komissiyasi raisining ma’lum qilishicha, hozirda saylovchilarning yagona elektron ro‘yxatiga 21 million 249 ming 921 nafar saylovchi kiritilgan. Ulardan 6 million 993 ming 924 nafarini (qariyb 33 foizi) 30 yoshgacha bo‘lgan yoshlar tashkil etadi.

Shulardan 880 ming 155 nafar yoshlar bu yil ilk marotaba o‘zining saylov huquqidan foydalanadi.