22-aprel kuni Tojikiston poytaxti Dushanbeda “Tojikfilm” hamda Oʻzbekiston Kinematografiya agentligi rahbariyati uchrashuvi boʻlib oʻtdi. Unda tomonlar hamkorligida “Yulduzlar shuʼlasi: Jomiy va Navoiy” nomli badiiy film ssenariysini ishlab chiqish boʻyicha bitim imzolandi.

Ekspertlarning 13-19-aprel kunlari boʻlib oʻtgan hamkorlik uchrashuvida ssenariyga yakuniy oʻzgartirishlar kiritilib, uning soʻnggi varianti tasdiqlangan.

Xabarda aytilishicha, yaqin kunlarda filmni suratga olish ishlari boshlanadi.