Durdona Rahimova Toshkent shahar hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari etib tayinlandi.

Maʼlumot uchun, Rahimova bundan oldin, 2023-yildan buyon yoshlar siyosati va sport vazirining oʻrinbosari vazifasida ishlab kelayotgan edi.

1989-yilda Toshkent shahrida tugʻilgan Durdona Rahimova 2013-yili Jizzax davlat pedagogika institutini tamomlagan.

Bugungi kunga qaday bir qator lavozimlarda ishlab kelgan Rahimova mehnat faoliyatini 2012−2013-yillarda “Kamolot” yoshlar ijtimoiy harakati Jizzax viloyati kengashi iqtidorli yoshlar va yosh olimlar bilan ishlash boʻlimi mudiri sifatida boshlagan.

Taʼkidlash lozim, u yaqinda tayinlangan Toshkent shahar hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari lavozimida oldin ham ishlagan.