«КҲАЙнинг бир қисми ёпилади», деб хабар берди Тошкент шаҳар ҳокимлиги.

Маълум бўлишича, 2024–2025 йиллар куз-қиш мавсумига тайёргарлик кўриш мақсадида Юнусобод туманининг Кичик ҳалқа автомобиль йўлидан ўтган 260 метр узунликдаги эскирган иссиқ сув тармоғида таъмирлаш ишлари олиб борилади.

Шу муносабат билан, биринчи босқичида, КҲАЙ(Кичик ҳалқа автомобиль йўли)нинг Туркқўрғон кўчаси билан кесишмасидан Адҳам Раҳмат кўчасигача бўлган ҳаракат йўналишининг бир томони 2024 йил 19 апрель кунидан бошлаб 7 кун муддатга ёпилади.

Ҳаракат эса ҳар икки йўналиш учун йўлнинг бир томонидан амалга оширилади.

«Келтирилган ноқулайлик учун узр сўраган ҳолда, ҳайдовчиларга шу вақт оралиғида айланма йўллардан фойдаланишни тавсия қиламиз», дейилади хабарда.