Наманган университетидаги 71 та таълим йўналиши 56 тага камайтирилиб, янги адабиётлар билан тўлиқ таъминланади. Таълим сифатини ошириш учун ўқув дастурлари янгиланади. Бу ҳақида Президент раҳбарлигида Наманган вилоятида ўтказилаётган йиғилишда маълум қилинди.

Хабарга кўра, вилоятда 6 та давлат ва 3 та хусусий олийгоҳ бор. Улар ичида Наманган университети етакчи ҳисобланади. Эндиликда ушбу билим юртида ўзгаришлар қилиш вақти келгани таъкидланди.

Маълумот учун, вилоятдаги жами олийгоҳларда 65 минг нафар талаба таҳсил олади. Шундан 32 минг нафари бошқа вилоятдан келиб ўқийди. Йиғилишда мазкур жиҳат инобатга олиниб, олийгоҳлар атрофидаги 43 та маҳаллада уй ётоқхоналарини ташкил этиш бўйича масъулларга кўрсатмалар берилди.