Бу автомобиль ишқибози Бруней султони Ҳассанал Болкиаҳ ҳисобланади. Унинг машиналарининг сонини ҳатто ўзи ҳам билмайди. Аммо уларнинг сони 7000 та чиқиши айтилади. Афсуски машиналарнинг кўпи атиги бир марта ҳайдалган ва шунчаки чанг босиб ётган бўлиши ҳам мумкин. Албатта, бу жуда ачинарли.

Султоннинг бундай антиқа хоббисига қизиқувчилар унинг коллекциясида жуда кўп машиналар борлигини айтишади. Агар Болкиаҳ ҳар куни биттадан автомобиль ҳайдаган тақдирда ҳам коллекция тугатишга тахминан 19 йил керак бўларкан. Шунингдек, унинг бу автобазаси 5 млн долларга баҳоланади.

Маълумот учун, автомобилларни йиғишда султонга укаси ҳам ёрдам берган.

Бу коллекцияда қандай уловлар борлигини эшитсангиз, аниқ ақлингиз шошади. Масалан, коллекцияда 25 хил Ferrari моделидан бор ва уларнинг сони эса 500 та. Rolls-Royce моделининг сони эса 600 та. Бу коллекцияда BMW, Mercedes, Porsche, Jaguar, Bentley каби автоулов турларидан юзлаб топилади. Ҳатто Формула1 да қатнашган ноёб автокарни ҳам шу ердан топасиз.

Уларга қарайдиган техник хизмат кўрсатиш ходимларининг сони ҳам анча-мунча.