Ўзбекистонда Заҳириддин Муҳаммад Бобурнинг асарларини сунъий интеллект ёрдамида тасвирлаш лойиҳаси йўлга қўйилди. Бунинг учун «Бобурнома» телеграм канали ишга туширилди.

Ушбу лойиҳа муаллифларининг таъкидлашича: “Ёшларга шундай аждодимиз борлигини яна бир бор эслатиш ва уларнинг эътиборини жалб қилишнинг энг яхши йўли замонавий технологиялардан фойдаланишдир. Бугунги кунда эса айнан МидЖоурней нейрон тармоғи катта қизиқишларга сабаб бўлмоқдаʼʼ.

Лойиҳага «Бобурнома» асари танлангани сабаби муаллиф шаҳарларни, одамларни батафсил тасвирлаб берган ва ўша давр муҳитини бера олгани билан изоҳланган. Бу эса нейрон тармоқ ишини осонлаштиради.