Тошкент вилояти Бўстонлиқ туманида жойлашган «Амирсой» дам олиш масканида Наврўз байрами нишонланди.



Дам олиш масканига ташриф буюрганлар учун қозонларда сумалак тайёрланди. Меҳмонларнинг маскан ҳақидаги маълумотларини текшириб кўриш ҳамда уларга қўшимча ахборот бериш мақсадида ютуқли ўйинлар ҳам ташкил этилди. Викториналарда «Амирсой»га оид саволлар берилиб, тўғри жавоб эгалари рағбатлантирилди.



Байрамда маҳаллий аҳоли билан бир қаторда туристлар ҳам иштирок этди. Тадбир куй-қўшиқ ва концерт дастурига уланиб кетди.

Фото: Илдамбек Валижонов