Fanlar akademiyasi ilmiy tashkilotlari direktorlik lavozimlariga o‘tkazilgan tanlov natijalarini e’lon qildi.

Ma’lumki, ilk marotaba O‘zbekiston Respublikasi Fanlar akademiyasi tomonidan Fizika-matematika va texnika, Kimyo-biologiya va tibbiyot, Ijtimoiy-gumanitar fanlar hamda Mintaqaviy bo‘limlardagi qator ilmiy muassasalar direktorlik lavozimlariga tanlov o‘tkazilgan edi.

Tanlov jarayonida 65 yoshgacha bo‘lgan nomzodlarning ilmiy salohiyati, kasbiy tajribasi, rahbarlik qobiliyati hamda ilmiy muassasa faoliyatini rivojlantirishga qaratilgan dastur va takliflari inobatga olindi.

Ilmiy muassasalar direktorlarining 8 nafari, ya’ni, O‘tkir Roziqov, O‘rol Mahmanov, Sharof Mirzaaxmedov, Faxriddin Kushanov, Maqsud Asadov, Komiljon Rahimov, Nigora Karimova, Sabida Ismoilova yangi rahbarlar sanaladi.

Fanlar akademiyasi xabariga ko‘ra, direktorlik lavozimiga yangi tayinlov o‘tkazilmagan ilmiy tashkilotlar uchun yil yakuniga qadar qayta tanlov eʼlon qilinishi rejalashtirilgan.

Navoiyshunos olim Maqsud Asadov Oyina.uz kolumnisti. Uning O‘zbek tili, adabiyoti va folklori instituti direktori etib tayinlangani bilan tabriklaymiz.

Quyida Maqsud Asadovning Oyina.uz portalida yoritilgan maqolalari havolasi keltirilgan:

Ideali hurriyat bo‘lgan Shaxs

Nega “Momaqaldiroq ostida sayr” qilish kerak?