“Muzeylar haftaligi” doirasida 8-sentyabrgacha Madaniy meros agentligi tizimidagi davlat muzeylari, muzey-qo‘riqxonalar va uy-muzeylariga bepul tashrif buyurish mumkin.

Qayd etilishicha, ushbu tashabbus agentlik tizimidagi jami 114 ta davlat muzeyi va muzey-qo‘riqxonasida o'tkaziladi.

Bu tarix, san’at va milliy meros bilan yaqindan tanishish, noyob eksponatlar hamda qadimiy yodgorliklar haqida yangi ma’lumotlarga ega bo‘lish uchun imkoniyat. Tashrif buyuruvchilar ochiq eshiklar kunlari doirasida muzeylarga bepul kirishlari mumkin.