O‘zbekiston Respublikasi Prezidentining tegishli farmonlariga asosan, Prezident Administratsiyasida yangi tayinlovlar amalga oshirildi. Bu haqda Prezident matbuot xizmati xabar bermoqda.

Farmonga ko‘ra, Ruslanbek Quroltoyevich Davletov O‘zbekiston Respublikasi Prezidentining vakillik organlari, nodavlat notijorat tashkilotlar va yoshlar masalalari bo‘yicha maslahatchisi lavozimidan ozod etildi.

Uning o‘rniga Olim Davlatovich Davlatov O‘zbekiston Respublikasi Prezidentining vakillik organlari, nodavlat notijorat tashkilotlar va yoshlar masalalari bo‘yicha maslahatchisi lavozimiga tayinlandi. Bunga qadar Olimjon Davlatov Ma’naviyat va ma’rifat markazi huzuridagi Ijtimoiy-ma’naviy tadqiqotlar instituti direktori lavozimida faoliyat olib borgan.