Amalda bolaning familiyasi ota-onaning familiyasiga qarab belgilanadi. Ota yoki ona tomonidan milliy an’analarga ko‘ra boboning ismi ham familiya qilib berilishi mumkin.

Qonun bilan Oila kodeksining 69-moddasiga kiritilayotgan o‘zgartirishga ko‘ra, endi otaning ismini bolaga familiya sifatida berish mumkin bo‘ladi.

Xabarga ko‘ra, senatorlar otaning ismini bolaga familiya sifatida berilishining qonunchilikda belgilanishi fuqarolarga qo‘shimcha qulayliklar yaratib, milliy va diniy an’analarga muvofiq ularning xohish-istaklarini ro‘yobga chiqarishga xizmat qilishini ta’kidlagan.

Qonun senatorlar tomonidan ma’qullangan.