O‘zbekiston tashqi ishlar vaziri Baxtiyor Saidov Malayziya elchisi Rafeda binti Abdul Aziz va Pokiston elchisi Muhammad Mudassir Tipudan ishonch yorliqlari nusxalarini qabul qildi.

Qayd etilishicha, Baxtiyor Saidov va Rafeda binti Abdul Aziz O‘zbekiston va Malayziya o‘rtasidagi ko‘p qirrali hamkorlikni yanada rivojlantirish istiqbollarini muhokama qildi.

Muhammad Mudassir Tipu bilan O‘zbekiston va Pokiston o‘rtasidagi strategik sheriklik munosabatlarini yanada mustahkamlash hamda oliy darajada erishilgan kelishuvlarni izchil amalga oshirish masalalari muhokama qilindi.