24-iyul kuni ikki yil davom etgan rekonstruksiyadan so‘ng O‘zbekiston tarixi davlat muzeyi tashrif buyuruvchilar uchun faoliyatini boshlaydi. Ochilish marosimi soat 10:00 da boshlanadi.

Qayd etilishicha, 1876-yilda tashkil etilgan muzey bu yil o‘zining 150 yillik yubileyini nishonlash arafasida. Muzey fondida 350 mingdan ortiq tarixiy eksponat saqlanadi va u O‘zbekiston hamda Markaziy Osiyodagi eng yirik tarixiy-madaniy maskanlardan biri hisoblanadi.

Shuningdek, 24−26-iyul kunlari “Ochiq eshiklar kuni” doirasida O‘zbekiston fuqarolari muzeyga bepul tashrif buyurishi mumkin.