Qirg‘iz Respublikasining Cho‘lponota shahrida Shanxay hamkorlik tashkilotining 25 yilligiga bag‘ishlangan xalqaro kinofestival bo‘lib o‘tdi.

Unda SHHTga a’zo davlatlar kinoijodkorlari qatorida O‘zbekiston vakillari ham ishtirok etgan.

Xabarga ko‘ra, kinofestivalda “Ulug‘ Amir va donna Mariya” badiiy filmi namoyish etilgan bo‘lib, film bastakori Abulqosim Muinzoda hakamlar hay’ati qaroriga ko‘ra, “Eng yaxshi bastakor” nominatsiyasi g‘olibi deb topilgan.

Ma’lumot uchun, festival mamlakatlar o‘rtasidagi madaniy aloqalarni yanada mustahkamlash, milliy kinematografiya yutuqlarini xalqaro maydonda namoyish etish hamda kino sohasidagi ijodiy va professional hamkorlikni rivojlantirishga xizmat qilmoqda.