Litvaning Vilnyus shahrida bo‘lib o‘tayotgan 37-Xalqaro biologiya olimpiadasida, ikki yillik tanaffusdan so‘ng, O‘zbekiston terma jamoasi a’zolari katta muvaffaqiyatga erishib, quyidagi o‘quvchilar 3 ta bronza medalini qo‘lga kiritdi:

▪️ Murodbek Latipov — Navoiy shahridagi Prezident maktabi,

▪️ Orzugul Muxtorova — Navoiy shahridagi Prezident maktabi,

▪️ Nursulton Ashiraliyev — Jizzax shahridagi Prezident maktabi.

Shuningdek, O‘zbekiston yoshlari Xitoyda bo‘lib o‘tayotgan 67-Xalqaro matematika olimpiadasida ham yaxshi natija ko‘rsatdi.

119 ta davlatdan 685 nafar o‘quvchilar ishtirok etgan olimpiadada o‘zbekistonlik o‘quvchilar 2 ta kumush, 3 ta bronza medalini yutdi.

Kumush medal sohiblari:

▪️ Elshod O‘ralov — Termiz shahar 14-sonli maktab o‘quvchisi;

▪️ Dostonbek Rahmonqulov — Yangiyer shahar IM o‘quvchisi.

Bronza medali sohiblari:

▪️ Azizbek Mamajonov — Al-Xorazmiy nomidagi IM Guliston filiali;

▪️ Elbek Zohidjonov – Muhammad al-Xorazmiy nomidagi ixtisoslashtirilgan maktab o‘quvchisi;

▪️ Rasulbek G‘afforov – Muhammad al-Xorazmiy nomidagi ixtisoslashtirilgan maktab o‘quvchisi.

Ma’lumot uchun, Prezident qaroriga muvofiq, nufuzli xalqaro olimpiadalarda erishgan medallar uchun o‘zbekistonlik ishtirokchilar uchun quyidagi pul mukofotlari berilishi ko‘zda tutilgan:

➖ kumush medal uchun — 618 mln so‘m, o‘qituvchisiga — 103 mln so‘m;

➖ bronza medal uchun — 412 mln so‘m, o‘qituvchisiga — 61,8 mln so‘m.

Bundan tashqari, mazkur olimpiada g‘oliblarini sinovlarga tayyorlagan o‘qituvchilarning malaka toifasi bir pog‘ona ko‘tarilishi belgilangan.