30-iyul – Xalqlar do‘stligi kuni munosabati bilan joriy yilning 23–31-iyul kunlari O‘zbekiston bo‘ylab “Do‘stlik” festivali tadbirlari bo‘lib o‘tadi.

Festival doirasida respublikaning barcha viloyatlari va Toshkent shahridagi nufuzli san’at saroylari, teatrlar, konsert zallari, tomosha maydonlari va xiyobonlar hamda bog‘larda turli madaniy-ma’rifiy, ilmiy-amaliy tadbirlar o‘tkaziladi.

Shuningdek, konsert dasturlari, milliy va umummilliy qadriyatlar tarannumi aks etgan badiiy asarlar ko‘rgazmalari, milliy liboslar namoyishlari, hunarmandchilik mahsulotlari yarmarkalari hamda sport musobaqalari tashkil etilishi rejalashtirilgan.