O‘zbekiston Yozuvchilar uyushmasi a’zosi, O‘zbekistonda xizmat ko‘rsatgan madaniyat xodimi, taniqli shoir Ikrom Otamurod 75 yoshida vafot etdi. Bu haqda Yozuvchilar uyushmasi ma’lum qildi.

Ma’lumot uchun, Ikrom Otamurod 1951-yil 5-mayda Qashqadaryo viloyatida tug‘ilgan.

Shoirning asarlari turk, arab, bolgar, rus, moldavan, ozarbayjon, qozoq, qirg‘iz, tojik, gruzin tillariga tarjima qilingan. Shuningdek, uning o‘zi ham Uold Uitmen, Pablo Neruda, Yevgeniy Yevtushenko, O‘lmas Sulaymon kabi ijodkorlarning she’r va qissalarini o‘zbek tiliga mahorat bilan tarjima qilgan.