Prezidentning tegishli qarorlari bilan qator tayinlovlar amalga oshirildi. Bu haqda Prezident matbuot kotibi Sherzod Asadov xabar berdi.

Jumladan:

– Nodirbek Baxtiyorovich Sayfullayev Oʻzbekiston Respublikasi madaniyat vazirining birinchi oʻrinbosari lavozimiga tayinlandi;

– Jahongir Odilxoʻjayevich Ahmedov Oʻzbekiston Respublikasi madaniyat vazirining birinchi oʻrinbosari – Oʻzbekiston Respublikasi Madaniyat vazirligi huzuridagi Kinematografiya agentligi direktori lavozimiga tayinlandi;

– Odiljon Abdugʻaniyevich Abduqahhorov Oʻzbekiston Respublikasi madaniyat vazirining oʻrinbosari lavozimiga tayinlandi;

– Sanjar Baxtiyorovich Bobojonov Oʻzbekiston Respublikasi madaniyat vazirining oʻrinbosari lavozimiga tayinlandi va shu munosabat bilan Oʻzbekiston Respublikasi Prezidentining madaniyat boʻyicha vakili boʻlinmasining bosh inspektori lavozimidan ozod etildi;

– boshqa ishga oʻtishi munosabati bilan Bahodir Majitovich Ahmedov, Avazxon Bahadirovich Tajixanov Oʻzbekiston Respublikasi madaniyat vazirining birinchi oʻrinbosari lavozimidan, Murodjon Abdullayevich Majidov, Yusufjon Kamoldinovich Usmonov Oʻzbekiston Respublikasi madaniyat vazirining oʻrinbosari lavozimidan ozod etildi.