Minsk shahridagi Mustaqillik saroyida rasmiy tashrif bilan Belarusda bo‘lib turgan Shavkat Mirziyoyevni tantanali kutib olish marosimi o‘tkazildi. Bu haqda Prezident matbuot xizmati xabar berdi.

Ma'lum qilinishicha, 9-iyul kuni bo‘lib o‘tgan tadbirda saroy oldidagi maydonda ikki davlat bayroqlari ko‘tarildi va faxriy qorovul saf tortdi. Shavkat Mirziyoyevni Belarus prezidenti Aleksandr Lukashenko samimiy kutib oldi. Davlat madhiyalari yangradi. Yetakchilar faxriy qorovul safi oldidan o‘tib, rasmiy delegatsiyalar a’zolarini qutladi. So‘ng oliy darajadagi muzokaralar boshlandi.