20-iyun kuni Qarshi shahrida maktablarda tashkil etilgan “Dolzarb 90 kun” tadbirlari doirasida, Kitob tumani “Palandara” MFY hududida joylashgan 62-sonli maktab oʻquvchilari Javlon Jovliyev qalamiga mansub “Qoʻrqma” asarini spektakl tarzida namoyish etgan edi.

Qayd etilishicha, ijro har bir oʻquvchi tomonidan shu qadar maromiga yetkazilganidan barcha tomoshabinlar taʼsirlangan.

Shundan soʻng, Qashqadaryo viloyati hokimi Murodjon Azimov, Kitob tumani hokimiga telefon orqali quruq rahmat bilan qutilmasligini aytib, ushbu oʻquvchilarni munosib kutib olib, taqdirlash toʻgʻrisida topshiriq bergan.

Topshiriq ijrosi oʻsha kunning oʻzidayoq bajarilib, Kitob tumani hokimi Rustam Gʻofurov oʻquvchi yoshlar va ularni tayyorlagan fidoyi oʻqituvchi kutib olinib, ularga viloyat hokimining esdalik sovgʻalari topshirilgan.