Milliy kino san’ati saroyida Retro Film klubi doirasida kino namoyishlari va kinoshunos Anatoliy Sinitsin bilan uchrashuvlar boʻlib oʻtmoqda.

Dasturga ko‘ra, 11-iyun kuni “Fransuz aloqachisi” (The French Connection, 1971) hamda 12-iyun kuni “Darbadarlar” (The Misfits, 1961) filmlari namoyish etiladi.

Namoyishdan so‘ng Anatoliy Sinitsin aktrisa Merilin Monroning hayoti, taqdiri va ijodi haqida hikoya qiladi. Merilin Monro haqidagi tadqiqotlar uning eng sevimli mavzularidan biri hisoblanadi.

Ma’lumot uchun, Anatoliy Sinitsin – rossiyalik kinoshunos, kino tarixchisi, kolleksioner va jahon kinosi tadqiqotchisi. Uning ma’ruzalari filmlar yaratilish tarixi, aktyorlar va rejissyorlar taqdiri hamda kino olamining qisman ma’lum bo‘lgan sahifalarini kashf etish imkonini beradi.