Президент администрациясида янги тайинловлар амалга оширилди

Сақлаш
09:35 / 16.10.2026 68 0

Ўзбекистон Республикаси Президенти Администрацияси раҳбарининг фармойиши билан Акрамжон Муроджон ўғли Фозилов Ўзбекистон Республикаси Президентининг вакиллик органлари, нодавлат нотижорат ташкилотлар ва ёшлар масалалари бўйича маслаҳатчисининг биринчи ўринбосари лавозимига тайинланди. Шу муносабат билан у Президент Администрацияси Коммуникациялар департаменти бошлиғининг биринчи ўринбосари лавозимидан озод этилди.

 

Шунингдек, Администрация раҳбарининг фармойишлари билан Азиза Абдусабитовна Қурбонова Ўзбекистон Республикаси Президенти Администрацияси Коммуникациялар департаменти бошлиғининг биринчи ўринбосари, Хушнуд Ғайратович Худайбердиев эса мазкур департамент бошлиғи ўринбосари этиб тайинланди.

 

 

Бундан ташқари, Администрация раҳбарининг фармойишига асосан Фарруҳ Фарходжонович Омонов бошқа ишга ўтиши муносабати билан Ўзбекистон Республикаси Президенти Администрацияси Коммуникациялар департаменти бошлиғи ўринбосари – Ўзбекистон Республикаси Президенти Халқ қабулхонаси бошлиғи лавозимидан озод этилди.

 

Изоҳ йўқ

Изоҳ қолдириш

Сўнгги янгиликлар

Барчаси

//