Сербия пойтахти Белград шаҳри кўчаларидан бирига «Тошкент» номи берилади. Кўчага ном бериш маросимида Ўзбекистон Президенти Шавкат Мирзиёев ва Сербия Президенти Александр Вучич иштирок этди. Бу ҳақда давлат раҳбарининг матбуот хизмат хабар берди.

«Тарих, маданият ва анъаналарга бой, шу билан бирга замонавий ва жадал ривожланаётган шаҳар бўлган Тошкент энди Сербия пойтахтида ҳам алоҳида ўрин эгаллайди», – деди Сербия президенти Александр Вучич очилиш маросимида.

Президентлар бу қарор Ўзбекистон ва Сербия ўртасидаги кўп қиррали муносабатлар жадал ривожланаётганини акс эттиришини таъкидлади. «Тошкент» кўчаси эса икки давлат халқлари ўртасидаги дўстлик ва ўзаро ҳамжиҳатликни мустаҳкамлашга интилишнинг яққол рамзи бўлиши қайд этилди.