Остона шаҳрида бўлиб ўтган Халқаро сунъий интеллект олимпиадаси(IOAI 2026)да Ўзбекистон терма жамоасидан иборат ўқувчилар жами 3 та (1 та кумуш, 2 та бронза) медални қўлга киритди.

Булар:

▪️ Билолбек Йўлдошхўжаев — Наманган шаҳридаги Президент мактаби — кумуш медаль;

▪️ Муҳаммадзиё Сайтжонов — Наманган шаҳридаги Президент мактаби — бронза медаль;

▪️ Умрзоқ Очилов — Самарқанд шаҳридаги Президент мактаби — бронза медаль.

Хабарга кўра, олимпиадада 103 та давлатлардан 500 нафарга яқин ўқувчи қатнашган.

Таъкидланишича, Ўзбекистон терма жамоаси ушбу Халқаро сунъий интеллект олимпиадасида илк марта иштирок этди.