Амалда боланинг фамилияси ота-онанинг фамилиясига қараб белгиланади. Ота ёки она томонидан миллий анъаналарга кўра бобонинг исми ҳам фамилия қилиб берилиши мумкин.

Қонун билан Оила кодексининг 69-моддасига киритилаётган ўзгартиришга кўра, энди отанинг исмини болага фамилия сифатида бериш мумкин бўлади.

Хабарга кўра, сенаторлар отанинг исмини болага фамилия сифатида берилишининг қонунчиликда белгиланиши фуқароларга қўшимча қулайликлар яратиб, миллий ва диний анъаналарга мувофиқ уларнинг хоҳиш-истакларини рўёбга чиқаришга хизмат қилишини таъкидлаган.

Қонун сенаторлар томонидан маъқулланган.