6 август куни Тошкент шаҳри, Яккасарой тумани ИИО ФМБ Пост-патруль хизмати инспектори Расул Жўраев Бўрижар каналида чўкаётган болани кўриб, қутқариш учун ўзини сувга ташлади.

Болани қутқаришда инспекторга яна бир кўнгилли ҳам ёрдам бериб, улар биргаликда боланинг ҳаётини сақлаб қолган. Айни дамда 13 ёшли болакайнинг аҳволи яхши ва соғ-саломат.

«Бу жасорат, фидойилик ва инсон ҳаётини асраш йўлидаги чинакам қаҳрамонлик намунасидир. Расул Жўраевнинг мардлиги ва тезкорлиги юксак эътирофга лойиқ. Қаҳрамонлар орамизда!», дейилади хабарда.