Литванинг Вилнюс шаҳрида бўлиб ўтаётган 37-Халқаро биология олимпиадасида, икки йиллик танаффусдан сўнг, Ўзбекистон терма жамоаси аъзолари катта муваффақиятга эришиб, қуйидаги ўқувчилар 3 та бронза медалини қўлга киритди:

▪️ Муродбек Латипов — Навоий шаҳридаги Президент мактаби,

▪️ Орзугул Мухторова — Навоий шаҳридаги Президент мактаби,

▪️ Нурсултон Аширалиев — Жиззах шаҳридаги Президент мактаби.

Шунингдек, Ўзбекистон ёшлари Хитойда бўлиб ўтаётган 67-Халқаро математика олимпиадасида ҳам яхши натижа кўрсатди.

119 та давлатдан 685 нафар ўқувчилар иштирок этган олимпиадада ўзбекистонлик ўқувчилар 2 та кумуш, 3 та бронза медалини ютди.

Кумуш медаль соҳиблари:

▪️ Элшод Ўралов — Термиз шаҳар 14-сонли мактаб ўқувчиси;

▪️ Достонбек Раҳмонқулов — Янгиер шаҳар ИМ ўқувчиси.

Бронза медали соҳиблари:

▪️ Азизбек Мамажонов — Ал-Хоразмий номидаги ИМ Гулистон филиали;

▪️ Элбек Зоҳиджонов – Муҳаммад ал-Хоразмий номидаги ихтисослаштирилган мактаб ўқувчиси;

▪️ Расулбек Ғаффоров – Муҳаммад ал-Хоразмий номидаги ихтисослаштирилган мактаб ўқувчиси.

Маълумот учун, Президент қарорига мувофиқ, нуфузли халқаро олимпиадаларда эришган медаллар учун ўзбекистонлик иштирокчилар учун қуйидаги пул мукофотлари берилиши кўзда тутилган:

➖ кумуш медаль учун — 618 млн сўм, ўқитувчисига — 103 млн сўм;

➖ бронза медаль учун — 412 млн сўм, ўқитувчисига — 61,8 млн сўм.

Бундан ташқари, мазкур олимпиада ғолибларини синовларга тайёрлаган ўқитувчиларнинг малака тоифаси бир поғона кўтарилиши белгиланган.