Дам олиш кунлари Ўзбекистон ҳудуди бўйича иссиқ кучайиши кутилмоқда. Бу ҳақда Ўзгидромет хабар берди.

Унга кўра, кундуз кунлари ҳаво 42-45 даражагача, жанубда ва чўл ҳудудларда 46-48 даражагача исийди.

Пойтахт Тошкентда асосан кам булутли об-ҳаво кузатилади. 20 июль — душанба куни республика ҳудудининг катта қисмида экстремал иссиқ об-ҳаво сақланиб туради. Фақат Ўзбекистоннинг шимоли-ғарбий ҳудудларида ҳаво ҳарорати пасая бошлайди.

21 июль — сешанба куни республиканинг барча ҳудудлари бўйича иссиқ чекина бошлайди. Ҳаво ҳарорати 6-9 даражага пасайиши прогноз қилинмоқда.