30-июль – Халқлар дўстлиги куни муносабати билан жорий йилнинг 23–31-июль кунлари Ўзбекистон бўйлаб “Дўстлик” фестивали тадбирлари бўлиб ўтади.

Фестиваль доирасида республиканинг барча вилоятлари ва Тошкент шаҳридаги нуфузли санъат саройлари, театрлар, концерт заллари, томоша майдонлари ва хиёбонлар ҳамда боғларда турли маданий-маърифий, илмий-амалий тадбирлар ўтказилади.

Шунингдек, концерт дастурлари, миллий ва умуммиллий қадриятлар тараннуми акс этган бадиий асарлар кўргазмалари, миллий либослар намойишлари, ҳунармандчилик маҳсулотлари ярмаркалари ҳамда спорт мусобақалари ташкил этилиши режалаштирилган.