Германия президенти Франк-Валтер Штайнмаер ўзининг Осиё бўйлаб сафари доирасида Ўзбекистонга ҳам ташриф буюради.

Хабар қилинишича, у 5 кунлик турне давомида Индонезия, Филиппин ва Ўзбекистонда бўлиши режалаштирилган. Президентга турмуш ўртоғи ва бизнес делегацияси ҳамроҳлик қилади.

Франк-Валтер Штайнмаер Тошкентда Германиянинг GP Günter Papenburg қурилиш компанияси филиалини кўздан кечиради.

Шунингдек, ташриф давомида малакали меҳнат миграцияси мавзуси муҳокама қилиниши кутилмоқда.

Германия президенти маъмурияти маълумотига кўра, Ўзбекистон немис тилини ўрганиш бўйича Осиёда етакчи.