Бугун, 5 июндан олий ва касбий таълим ташкилотларига ўқишга кириш учун қабул бошланди. Бу ҳақда Олий таълим, фан ва инновациялар вазирлиги хабар берди.

Олийгоҳлар бакалавриатига қабул жараёни Президентнинг ПФ-81-сон Фармонига мувофиқ, икки босқичда — «аввал тест, сўнг танлов» тамойилига мувофиқ амалга оширилади.

1-босқичда абитуриентлар ҳар йили 5 июндан 25 июнга қадар (шу куни ҳам) тест синови топшириш учун мй.узбмб.уз сайтида онлайн рўйхатдан ўтиб, фақат тест синовида иштирок этса:

— фанлар мажмуаси;
— таълим тили;
— тест топшириш ҳудуди.

Агар алоҳида иқтидор талаб этиладиган таълим йўналишлари бўйича касбий/ижодий имтиҳонларда иштирок этмоқчи бўлса:

— таълим тили;
— тест топшириш ҳудуди;
— алоҳида иқтидор талаб этиладиган таълим йўналиши;
— касбий (ижодий) имтиҳон топшириладиган олийгоҳ.

Олийгоҳларга кириш имтиҳонлари июль август ойларида ўтказилади.

2-босқичда абитуриентлар кириш имтиҳонлари тўлиқ якунланганидан сўнг 15 кун давомида мй.узбмб.уз сайти орқали қуйидагиларни танлайди:

— олий таълим муассасаси;
— бакалавриат таълим йўналиши;
— таълим шакли;
— танлов устуворлиги.

Абитуриент тест синовида тўплаган балларини имтиҳон ўтказилган куннинг эртасига билиши мумкин. Унинг талабаликка тавсия этилган ёки этилмагани қабул жараёнининг 2-босқичи тўлиқ якунлангандан кейин бир ҳафта муддатда Билимни баҳолаш агентлигининг расмий веб-сайтида эълон қилинади.

Техникумларда ўқиш истагини билдирган абитуриентлар олийгоҳларга қабулнинг якуний натижаси эълон қилинганидан сўнг 10 кун муддатда қуйидагиларни танлайди:

— техникум;
— касб ва мутахассислик;
— таълим шакли.

Натижа бир ҳафта муддатда Билимни баҳолаш агентлигининг расмий веб-сайтида эълон қилинади.

Абитуриентлар ва уларнинг ота-оналарига қулайликлар яратиш мақсадида Олий таълим, фан ва инновациялар вазирлиги ҳамда барча олий таълим ташкилотларида «Қабул-2026» штаби фаолияти йўлга қўйилди.

Бундан ташқари, фуқароларимиз вазирликнинг 1006, Агентликнинг 1195 ишонч телефони ёки @ЭдуузУниверсалБотъга мурожаат қилган ҳолда ўзларини қизиқтирган саволларига жавоб олишлари мумкин.