Ижтимоий тармоқларда Тошкент шаҳрида ёш болалар орасида пневмония ва аллергия касалликлари авж олгани ҳақида хабар тарқалган.

Бу юзасидан Тошкент шаҳар Соғлиқни сақлаш бош бошқармаси муносабат билдирди:

“Бугунги кунда пойтахтимизда пневмония ва аллергия билан боғлиқ эпидемиологик вазият барқарор. Пойтахтимизда 5 та болалар касалликлари ҳамда 5 та юқумли касалликларни даволашга ихтисослашган шифохоналар фаолият кўрсатяпти. Ушбу тиббиёт муассасаларида ҳам ҳеч қандай навбатлар кузатилмаётгани буни кўрсатиб турибди.

 

Фуқароларнинг бундай асоссиз ва ёлғон маълумотларга ишонмасликларини сўраб қоламиз” – дейилади хабарда.